नयाँ दिल्ली, ४ चैत । तपाईंले ऊँटको दूधको बारेमा धेरै सुन्नु भएको होला । अहिले ऊँटको दूधको माग ह्वात्तै बढिरहेको छ । यो व्यवसाय गरेर धेरैले राम्रो आम्दानी गरिरहेका छन् । ऊँटको दूध स्वास्थ्यका लागि निकै फाइदाजनक हुन्छ । यो दूधको मूल्य (क्यामल मिल्क प्राइस) प्रतिलिटर २५०० रुपैयाँसम्म छ । विश्वमा हरेक वर्ष ३० लाख टन मात्रै ऊँटको दूध उत्पादन हुन्छ ।

विदेशमा पनि यो दुधको माग धेरै छ । तर के तपाईंलाई ऊँटको आँसुको मूल्य थाहा छ ? ऊँटको आँसु धेरै विशेष हुन्छ। ऊँटको आँशुमा सर्पको विषलाई रोक्ने शक्ति हुन्छ । दुबईको केन्द्रीय पशु चिकित्सा अनुसन्धान प्रयोगशालाले एक अनुसन्धानपछि ऊँटको आँसुबाट सर्पको विष तयार हुने दाबी गरेको छ ।

सर्पको टोकाइ
ऊँटको आँसुमा पाइने एन्टिडोटलाई सर्पको विष हटाउने सबैभन्दा प्रभावकारी औषधि बनाउन प्रयोग गर्न सकिन्छ। ऊँटको आँसुमाथि भारत, अमेरिकालगायत धेरै देशमा अनुसन्धान भइरहेको छ । यूएई र साउदी अरेबियाका धेरै विश्वविद्यालयहरूमा पनि ऊँटको आँसुमाथि अनुसन्धान भइरहेको छ।

संसारकै विषालुभन्दा विषालु सर्पको विष रोक्न क्षमता ऊँटको आँसुमा हुन्छ । ऊँटको आँसुमा विभिन्न प्रोटिन पाइन्छ । प्रोटीनले ऊँटलाई इन्फेक्सनबाट बचाउँछ । यो आँशुमा लाइसोजाइम्स हुन्छ । यसले भाइरस, ब्याक्टेरिया र किरालाई रोक्छन् ।

सबै प्रकारका विषालु सर्पहरूको टोकाईमा प्रभावकारी हुन्छ आँशु
संसारको सबैभन्दा विषालु सर्प एसिया र अफ्रिकामा पाइन्छ। ऊँटको आँसुले यस विषको उपचार गर्न सकिन्छ । लिभरपुल स्कुल अफ ट्रपिकल मेडिसिनमा स्नेकबाइक अनुसन्धान गर्ने प्रोफेसर रोबर्ट ह्यारिसनले यस्तो बताएका हुन् । संसारमा करिब २५० प्रकारका विषालु सर्पहरू छन् जसको टोकाईले मानिस ठहरै हुन्छन्। तर ऊँटको आँसु प्रयोग गरेर संसारकै सबैभन्दा विषालु सर्पको टोकाईको औषधि तयार गर्न सकिन्छ ।

अर्को ठूलो फाइदा
ऊँटको एन्टिबडीबाट सर्पको विषको एन्टी–भेनम बनाउने अर्को ठूलो फाइदा छ । कुनै पनि एन्टी–भेनम सुरक्षित राख्न कोल्ड–चेन चाहिन्छ। ऊँटमा गर्मी सहन सक्ने अपार शक्ति हुन्छ । यही गुण एंटी–भेनममा पनि देखियो भने त्यसका लागि स्टोर गर्न कोल्डस्टोर चाहिदैन ।

ऊँटको आँसु किन विशेष हुन्छ ?
ऊँटहरू संसारको सबैभन्दा दुर्गम मौसम अर्थात् मरुभूमिमा पाइन्छ। यहाँको तातो बालुवाबाट बच्नको लागि, उनीहरूको आँखामा विशेष सुरक्षा प्रणाली हुन्छ । ऊँटले आफ्नो आँखामा आउने कुनै पनि बाहिरी वस्तुलाई सजिलै छेक्न सक्छ । ऊँटको आँखामा संक्रमण हुँदैन । ऊँटको आँसुमा ३ तह हुन्छन् । बाहिरी तह लिपिडबाट बनेको हुन्छ। यसले आँसुलाई सुक्नबाट रोक्छ। बीचको तहमा प्रोटिन हुन्छ। जबकि भित्री तहमा कार्बोहाइड्रेट हुन्छ ।