काठमाडौं, २० बैशाख। पूर्वप्रधानमन्त्री एव नेकपा एकीकृत समाजवादीका अध्यक्ष माधव नेपालले कर्णालीमा नेकपा माओवादी केन्द्रको व्यवहारले मर्माहत भएको भनी दिएको अभिव्यक्तिबारे बुधबार बालुवाटार बैठकमा स्पष्टीकरण दिनुभएको छ । उहाले स्थानीय नेताहरुको असन्तुष्टि सम्बोधन गर्न मात्र आफूले त्यस्तो अभिव्यक्ति बताएका बुधबार साँझ बालुवाटार बैठकमा सहभागी एक नेताले बताए ।

बुधबार बिहान सुर्खेतमा आयोजित कार्यक्रममा नेता नेपालले माओवादीको व्यवहारले मर्माहत भएको टिप्पणी गर्नुभएको थियो । कर्णाली प्रदेशमा आफूहरुलाई बेवास्ता गरिएको भन्दै उहलेँ भन्नुभएका थियो, ‘हामी गठबन्धन टिक्छ भनिरहेका छौं । टिकाउँछौं भनिरहेका छौं । टिकाउने क्षमता, खुबी र हिस्सेदारी हामीसँग छ भनिरहेका छौं।

तर हामीलाई पीडा दिने खालको व्यवहार देखिसकेपछि हामी मर्माहत भएका छौं।’ उहाको असन्तुष्टिबारे साँझ बालुवाटारमा बसेको सत्तारुढ ६ दलको बैठकमा छलफल भएको थियो। बैठकमा सहभागी श्रम तथा रोजगार मन्त्री शरतसिंह भण्डारीका अनुसार नेपालले आफूले स्थानीय नेताहको असन्तुष्टि सम्बोधन उनिहरुलाई भुल्याउन त्यस्तो कुरा बोलेको स्पष्टीकरण दिनुभएको थियो ।