काठमाडौं, भदौ १९
अमेरिकाको मिजुरी राज्यमा मंगलबार भएको सवारी दुर्घटनामा एकै परिवारका तीन नेपालीको मृत्यु भएको छ। स्थानीय जोप्लिन प्रहरीका अनुसार मृत्यु हुनेमा श्रद्धा खनाल ओझा, उनका बुबा गोविन्द खनाल र आमा शान्ता खनाल रहेका छन् ।
गत मंगलबार मिजौरी राज्यको अन्तरराज्य राजमार्गमा भएको कार दुर्घटनामा पर्दा सवारी साधनमा बसेका मध्ये ३ जनाको ज्यान गएको प्रहरीले जनाएको छ । उक्त घटना अन्तरराज्यको ४४ को पूर्व मिजौरीको राजमार्गको मोडमा घटेको बताएको छ। जोप्लिन प्रहरी बिभागका प्रमुख निक जिमेनेजका जानकारी अनुसार राभ४ नामक सवारी साधन प्रभास ओझाले चलाएका थिए । प्रहरीका अनुसार ओझा आई–४४ (अन्तर राज्य राजमार्ग) को तेश्रो मार्ग (लेन)बाट पूर्वतर्फ जादै गर्दा टोयोटा पिकअप मालबाहक (ट्रक) संग ठोक्कीएको थियो ।
प्रभास ओझा र उनका ४ बर्षिय छोरालाई स्थानीय अस्पतालमा भर्ना गरिएको छ । छोराको स्थिति चिन्ताजनक रहेको प्रहरीले बताएको छ । तर ओझा कि धर्मपत्नी श्रद्धा ओझा खनालको मृत्यु भएको छ । श्रद्धाका बुबाआमा केही समय अघिमात्र नेपालबाट घुम्न भनेर अमेरिका आएको बताइएको छ । खनाल परिवारको घर बिराटनगरको सोमबारेमा रहेको छ ।
प्रतिक्रिया दिनुहोस्