काठमाडौं, कात्तिक १८ । प्रवासी नेपाली मञ्च (ओएनएफ) अन्तराष्ट्रिय कमिटीले जाजरकोट केन्द्रबिन्दु भएर गएराती गएको भूकम्पमा परी ज्यान गुमाउनेहरुप्रति श्रद्धाञ्जली अर्पण गरेको छ ।

मञ्चका उपसचिव एवं प्रचार बिभाग प्रमुख चानक पोखरेलले बिज्ञप्ति जारी गर्दै भूकम्पमा परी ज्यान गुमाउनेप्रति श्रद्धाञ्जली र घाइतेहरुको शीघ्र स्वास्थ्यलाभको कामना गर्नुभएको हो ।

‘भूकम्पमा परी ज्यान गुमाउने मृतकहरुप्रति हार्दिक श्रद्धाञ्जली अर्पण साथै शोक सन्तप्त परिवारजनमा गहिरो समवेदना प्रकट गर्दै सम्पूर्ण घाइतेहरुको शीघ्र स्वास्थ्यलाभको कामना गर्दछौं,’ बिज्ञप्तिमा भनिएको छ ।

प्रवासी नेपाली मञ्चले घाइतेको उचित उपचारको ब्यवस्था मिलाउन पनि आग्रह गरेको छ । ‘घाइतेहरुको उचित ब्यवस्थापन र उपचारको यथाशीघ्र प्रबन्धका लागि सरकारसँग प्रवासी नेपाली मञ्च अन्तराष्ट्रिय कमिटी परिवार हार्दिक अनुरोध गर्दछ,’ बिज्ञप्तिमा भनिएको छ ।