नुवाकोट, मंसिर २३ । मध्यपहाडी लोकमार्गमा समृद्धिका लागि संकल्प यात्रामा रहेको नेकपा एमालेका अध्यक्ष केपी शर्मा ओली नेतृत्वको टोली नुवाकोट आइपुगेको छ ।

अभियानको दशौं दिन शनिबार बिहान गोरखाको सल्यानटारबाट हिँडेको टोली धादिङ हुँदै साँझ नुवाकोट पुगेको हो ।

टोलीलाई नुवाकोटमा भव्य स्वागत गरिएको छ । नेकपा एमालेका नेता कार्यकर्ता, स्थानीय र शुभेच्छुकले टोलीलाई भव्य स्वागत गरेका हुन् । टोली पुग्नासाथ युवाहरुले नुवाकोटमा स्वागत छ, केपी बा आइ लभ यु लगायत नारा समेत लगाएका थिए ।

नुवाकोट बट्टारमा ठूलो संख्यामा पार्टीका नेता कार्यकर्ता, स्थानीय र शुभचिन्तकले करिब ४ घण्टादेखि टोलीको प्रतिक्षा गरिरहेको थियो । बट्टारमा हुने कार्यक्रमलाई अध्यक्ष ओलीले सम्बोधन गर्नुहने कार्यक्रम छ ।