कैलाली, २८ माघ । नेकपा एमाले जिल्ला कमिटी बाजुराको अध्यक्षमा भरत बहादुर थापा चयन हुनुभएको छ । जिल्ला कमिटी अध्यक्ष काली बहादुर शाही र उपाध्यक्ष भरत बुढा प्रदेशमा निर्वाचित भएपछि जिल्ला कमिटी बैठकले अध्यक्ष पदमा भरत बहादुर थापालाई सर्वसम्मत निर्णय गरेको हो ।

उपाध्यक्षमा उपसचिव जनक कुमार बोहरा, सचिवमा कार्यालय सचिव काशी बहादुर विकलाईसमेत सर्वसम्मतबाट चयन गरेको जिल्ला कमिटीले निर्णय गरेको छ । भरत थापाको अध्यक्षमा बसेको बैठकमा अगामी जिल्ला अधिवेशन चैत्र १६ र १७ मार्तडीमा गर्ने निर्णय पनि भएको छ ।