महोत्तरी, २१ असार । महोत्तरीको गौशाला नगरपालिकामा ११ बर्षीय वालिका ७ दिनदेखि वेपत्ता भएकी छन । गत विहिवार गौशाला बजारमा किनमेल गर्न गएको वेला कृति कुमारी महतो वेपत्ता भएकी हुन । वडा नं. २ निगौल बस्ने महतो र सोही वडामा वस्ने १९ बर्षीय आकाश कुशवाहा एकैदिन वेपत्ता भएपछी वालिकाको परिवारले कुशवाहाले नै वेपत्ता बनाएको हुन सक्ने आशंका गरेका छन । यसैको आधारमा कुशवाहामाथी वेपत्ता वालिकाको परिवारले किटानी जाहेरी समेत दिएका छन ।

‘आफन्त र केही सुराकीको आधारमा छोरीलाई कुशवाहाले लिएर गएको थाहा पाएका छौ । कृतिकाका बुवा संजय कुमार महतोले भन्नुभयो,‘उमेर नै नपुगेकी ११ बर्षीय छोरीलाई अपहरण शैलीमा भागाएपछी अहिले प्रहरीलाई खोजी गरेर भगाउने कुशवाहालाई कारवाहीको माग गरेका हौं ।’ बालिका काँहा छिन् भन्ने बिषयमा मोबाइल फोनसमेत प्रहरीले ट्रयाकिङ्ग गरेको छ ।

ट्रयाकिङ्गको आधारमा ठाँउ पहिचान गर्दा बालिका आशंका गरिएका कुशवाहाको आफन्तकोमा रहेको प्रमाणित भएको वेपत्ता बालिकाका परिवारजनले बताउनुभयो । ‘हामी प्रहरीले दिएको जानकारीअनुसार सर्लाहीस्थित भक्तिपुरमा पुग्यौ त्याँहा कुशवाहाका सानिमा देवकली महतोको घरमा रहेको थाहा पायौं । ‘बेपत्ता वालिकाका मामा देवनारायण महतोले भन्नुभयो,‘त्यसपछि उनीहरुले हामि खोजीरहेको थाहा पाएपछि कुशवाहाको हजुरवुवा प्रभु महतोको घरमा पुर्याएकोसम्म थाहा पाएका थियौं तर अहिले हाम्री भान्जी कहाँ छिन भन्ने केही थाहा छैन ।’

प्रहरीलाई जाहेरी दिएको ५ दिन वितिसक्दा पनि खोजविनमा सुस्तता देखिएको भन्दै आफन्तहरुले गुनासो गरेका छन । यता प्रहरीले भने खोजविन प्रक्रियालाई तीव्रता दिएको र यस्को लागि संयन्त्रहरुसमेत प्रयोग गरिरहेको दावी गरेको छ । ईलाका प्रहरी कार्यालय गौशालाका कार्यालय प्रमुख सुर्यबहादुर राणाले मोबाइल फोन ट्र्याकिङ्ग गरेर थप खोजी भईरहेको बताउनुभयो । उहाँले भन्नुभयो,‘हामी लागीरहेका छौ, सर्लाहीस्थित भक्तिपुरमा केटाका आफन्तहरु थुप्रै रहेछन हामीले घर–घरमा पुगेर समेत खोजी कार्यलाई तीव्र वनाएका छौ ।’

यता बालिका वेपत्ताको बिषयलाई लिएर मानवअधिकारवादीहरुले समेत ध्यानाकर्षण जनाएका छन । मानवअधिकारवादी संवद्व संस्था मधेश प्रदेश प्रमुख मंजु खतिवडाले बालिका वेपत्तालाई लिएर आफुहरुको ध्यानाकर्षण भएको बताउनुभयो । ‘उमेर नपुगेकी वालिकालाई भगाउनु भनेको अपहरण गरेको जस्तै हो । उहाँले भन्नुभयो,‘अब अपहरण मुद्दामा वालिकाका आफन्त अगाडी बढनुपर्छ ।’ बेपत्ता भान्जीको बिषयमा माइती नेपाललाई समेत उजुरी दिएको मामा देवनारायण महतोले जानकारी दिनुभयो ।