काठमाडौं, २४ साउन । पश्चिम बंगालका पूर्व मुख्यमन्त्री बुद्धदेव भट्टाचार्यको निधन भएको छ । बुद्धदेव भट्टाचार्यको ८० वर्षको उमेरमा निधन भएको भारतीय मिडियाहरुले उल्लेख गर्नुभएको छ । उहाँ केही दिनदेखि बिरामी हुनुहुन्थ्यो । बुद्धदेव भट्टाचार्य सन् २००० देखि २०११ सम्म लगातार ११ वर्ष पश्चिम बङ्गालको मुख्यमन्त्री बन्नुभएको थियो ।

पश्चिम बंगालकी मुख्यमन्त्री ममता बनर्जीले पूर्व मुख्यमन्त्री बुद्धदेव भट्टाचार्यको निधनले दुःखी भएको उल्लेख गर्नुभएको छ ।

ममता बनर्जीले भन्नुभयो,‘म उहाँलाई धेरै दशकदेखि चिन्छु र पछिल्ला केही वर्षहरूमा उहाँ बिरामी हुँदा म उहाँको घरमा धेरै पटक गएकी थिएँ । उहाँको निधनले म दुखी छु ।’ उहाँ पश्चिम बंगालमा ३४ बर्ष कम्युनिष्टको सरकार रहदाको आखिरी मुख्यमन्त्री हो ।