काठमाडौं, भदौ २१ । प्रधानमन्त्री केपी शर्मा ओलीसँग नेपाल समाजवादी पार्टीका अध्यक्ष डा. बाबुराम भट्टराईले भेटबार्ता गर्नुभएको छ ।

पूर्वप्रधानमन्त्रीसमेत रहनुभएका भट्टराईले आज प्रधानमन्त्री ओलीसँग भेट गर्नुभएको हो । भेटमा संक्रमणकालीन न्याय सम्बन्धी कानुन बनेकोमा उहाँले धन्यवाद दिनुभएको छ ।

‘मेरा मित्र, पूर्व प्रधानमन्त्री बाबुराम भट्टराईजीसँग भेट भयो । संक्रमणकालीन न्याय सम्बन्धी कानुन बनेकोमा उहाँले धन्यवाद दिनु भयो । समसामयिक राजनीतिक विषयमा समेत छोटो कुराकानी भयो,’ भेटबारे जानकारी दिँदै प्रधानमन्त्री ओलीले भन्नुभएको छ ।