काठमाडौं, भदौ २७ । प्रधानमन्त्री तथा नेकपा एमालेका अध्यक्ष केपी शर्मा ओलीले सत्तारूढ दल नेपाली कांग्रेसका सभापति शेरबहादुर देउवालाई जन्मदिनमा सरप्राइज दिनुभएको छ ।

पूर्वप्रधानमन्त्रीसमेत रहनुभएका कांग्रेस सभापति देउवाको जन्मदिनमा प्रधानमन्त्री ओलीले आफ्नो सरकारी निवास बालुवाटारमा दोसल्ला ओढाएर शुभकामना दिनुभएको हो ।

जन्मदिनको अवसरमा प्रधानमन्त्री ओलीले सामाजिक संजालमा समेत फोटोसहित बधाई दिनुभएको छ ।

‘आज पूर्व प्रधानमन्त्री, मेरा मित्र शेरबहादुर देउवाको जन्मदिन परेको छ। प्रमुख तीन दलका नेताहरुसँग समसामयिक राजनीतिक  विषयमा कुरा पनि भयो। आजको भेटमा शेरबहादुरजीलाई जन्मदिनको शुभकामना दिने अवसर मिल्यो । सुस्वास्थ्य, दीर्घायु र प्रगतिको कामना शेरबहादुरजी !!’ प्रधानमन्त्री ओलीले भन्नुभएको छ ।