धनुषा, असोज ७ । धनुषामा प्रहरी हिरासतबाटै ८ जना थुनुवा फरार भएका छन ।

गएराति जिल्ला प्रहरी कार्यालय धनुषाको भेन्टिलेसन फोडेर ८ जना थुनुवा फरार भएको प्रहरीले जनाएको छ । हिरासतबाट ९ जना फरार भएको तर तीमध्ये एक जनालाई नियन्त्रण लिएको प्रहरीले जनाएको छ ।

प्रहरीका अनुसार फरार हुनेमा लागु औषध मुद्दाका अमितकुमार झा, रंजित मण्डल, रोशनकुमार मण्डल, अभास्कर कुमार यादव, विशाल मुखिया रहेका छन्। त्यस्तै अभद्र व्यवहारमा पक्राउ परेका मनिष मण्डल र बिक्की कार्कीका साथै एक जना नाबालक रहेका छन। फरार भएकाहरूको खोजीका लागि प्रहरी परिचालन गरिएको छ ।