सप्तरी, असोज १० । सप्तकोशी नदीमा यात्रुवहाक बस खसेको छ । पूर्व–पश्चिम राजमार्गअन्तर्गत कोशी ब्यारेजको पुलको सप्तरीतर्फको क्षेत्रबाट को १ ख ४६०१ नम्बरको बस आज साँझ खसेको हो ।

सुनसरीका सशस्त्र उपरीक्षक सेमानन्द बज्राचार्यका अनुसार बसमा रहेका सबैयात्रुको उद्धार गरिएको छ । सो बसमा २० जना यात्रु रहेका थिए ।

बस विराटनगरबाट उदयपुरको गाईघाट जाँदै गरेको थियो । बस आफैं अनियन्त्रित भएर पुलको बार भत्काउँदै नदीमा खसेको प्रहरीले जनाएको छ । प्रहरीले चालकलाई नियन्त्रणमा लिएर इलाका प्रहरी कार्यालय भारदहमा राखेको छ ।