जनता टाइम्स

२ कार्तिक २०७६, शनिबार ००:००

आलमको बचाउमा लागेपछि देउवालाई दिए कमल थापाले दिए यति कडा चेतावनी


काठमाडौं, कात्तिक २ । राष्ट्रिय प्रजातन्त्र पार्टीका अध्यक्ष कमल थापाले जिउँदो मान्छेलाई इँटाभट्टामा हालेर मार्ने अपराधीलाई कुनै हालतमा छाड्न नहुने बताउनु भउको छ । रौतहटमा नेपाली कांग्रेसका नेता मोहम्मद आफताव आलमले पहिलो संविधानसभाको निर्वाचनका क्रममा बम विस्फोटमा परेका २३ जनालाई इँटा भट्टामा हालेर हत्या गरेको घटनामा कांग्रेस सभापति शेरबहादुर देउवा बचाउमा उत्रिएको सन्दर्भमा थापाले यस्तो बताउनु भएको हो ।

यो प्रकरणलाई लमजुङका निर्दोष शिक्षक मुक्तिनाथ अधिकारीलाई रुख बाँधेर तत्कालीन माओवादीले गरेको हत्याको प्रसंगसमेत कोट्याउँदै उहाँले रौतहतको नरसंहारलाई त्यसैसँग तुलना गर्नुभएको छ । सामाजिक सञ्जालमार्फत् आज आफ्नो धारणा सार्वजनिक गर्दै थापाले यस्ता जघन्य अपराध र आतंककारी गतिविधिमा संलग्नलाई कुनै हालत नछाडिने बताउनु भएको छ ।

‘निर्दोष शिक्षकलाई रुखमा बाँधेर हत्या गर्ने, चन्दा नदिएको कारण जनप्रतिनिधिलाई गोली हानी मार्ने र जिउँदो मान्छेलाई इँट्टाभट्टामा हालेर मार्ने कार्य अमानवीय, जघन्य र आतंकाकरी गतिविधि हुन,’ थापाले भन्नुभएको छ, ‘यस्ता अपराधलाई राजनीतिक रंग र संरक्षण दिने काम नगरौं। जतिसुकै वर्ष लागोस्, अपराधीले कदापि उन्मुक्ति पाउने छैन।’ अध्यक्ष थापाले अहिलेको राजनीतिमा अपराधीहरूको वर्चस्व रहेको जिकिरसमेत गर्नुभएको छ ।

‘अहिले राजनीतिमा अपराधीहरुको बर्चस्व छ, त्यसैले केही समय ढाकछोप गर्न सकिएला, सधैँ यस्तो रहन्न। एकदिन सत्य, धर्म र राष्ट्रवादको जित हुनेछ। त्यो दिन चाँडै आउने छ, अवश्य आउने छ,’ थापाले भन्नुभएको छ ।

जिउँदो मान्छेलाई इँट्टाभट्टामा हालेर मार्ने कार्य अमानवीय, जघन्य र आतंकाकरी गतिविधि हुन,’ थापाले भन्नुभएको छ, ‘यस्ता अपराधलाई राजनीतिक रंग र संरक्षण दिने काम नगरौं। जतिसुकै वर्ष लागोस्, अपराधीले कदापि उन्मुक्ति पाउने छैन।’

थापाले जघन्त मानवीय अपराध र आतंककारी गतिविधिमा संलग्नलाई कुनै हालतमा नछाडिने बताए । ‘त्यस दिन आतंककारी, भ्रष्टाचारी र देशद्रोहीहरुलाई कानुनको कठघरामा खडा गरिने छु, उनीहरूले उन्मुक्ति पाउने छैनन,’ उहाँले भन्नुभएको छ ।