पोखरा, कात्तिक २६ । ‘नो नट अगेन’ भन्दै जान्नेलाई छान्ने नारा दिएर उदाएको राष्ट्रिय स्वतन्त्र पार्टी (रास्वपा) ले नयाँ सिद्धान्त प्रतिपादन गर्दै रबि लामिछाने राजाका रुपमा रहेको तथ्य खुलेको छ ।

पार्टीका संस्थापक सभापति जिवित रहँदासम्म जुनसुकै अभियोग लागेपनि पदमा रहिरहने सिद्धान्त प्रतिपादन गर्दै सो पार्टीले सभापति रबि राजाकै रुपमा रहेको तथ्य उजागर गरेको हो ।

रास्वपाका उपाध्यक्ष डोलप्रसाद (डीपी) अर्यालले पोखरामा आइतवार यो तथ्य बाहिर ल्याउनु भएको छ । उपसभापति अर्यालले जुनसुकै अभियोग पुष्टि भएर जेलमा रहेपनि रवि लामिछाने जिउँदो रहेसम्म रास्वपाको सभापति नै रहने प्रष्ट पार्टी लाइन रहेको बताउनु भयो ।

‘म यहाँहरुलाई यो मन्चबाट के भन्न चाहन्छु भने राष्ट्रिय स्वतन्त्र पार्टीको सभापति रवि लामीछाने जिउँदो रहेसम्म रवि लामिछाने नै हो’, अर्यालले भन्नुभयो, ‘यसमा कसले कार्यबाहक सभापति पाउँछ, पाउँदैन गौण कुरा हो । त्यसकारण यहाँहरुलाई विश्वस्त पार्न चाहन्छु । उहाँ जहाँ बस्नुहुन्छ । हिरासत रहनुहोला । जेलमा रहनुहोला । रास्वपाको सभापति रवि लामिछाने नै हो ।’

‘म यहाँहरुलाई यो मन्चबाट के भन्न चाहन्छु भने राष्ट्रिय स्वतन्त्र पार्टीको सभापति रवि लामीछाने जिउँदो रहेसम्म रवि लामिछाने नै हो’, अर्यालले भन्नुभयो, ‘यसमा कसले कार्यबाहक सभापति पाउँछ, पाउँदैन गौण कुरा हो । त्यसकारण यहाँहरुलाई विश्वस्त पार्न चाहन्छु । उहाँ जहाँ बस्नुहुन्छ । हिरासत रहनुहोला । जेलमा रहनुहोला । रास्वपाको सभापति रवि लामिछाने नै हो ।’

राजतन्त्रात्मक ब्यवस्थामा मात्रै जिवित रहँदासम्म राजा कायम रहने परम्परा रहेको छ । रास्वपा उपसभापति अर्यालले राजतन्त्रकै अनुशरण गरी रबि जिवित रहँदासम्म सभापति रहने पार्टीको नीति रहेको बताउनु भएको हो ।