काठमाण्डौं, बैशाख २६

सिद्धकाली पावर लिमिटेड कम्पनीले प्रवद्र्धन गरेको त्रिसुली गल्छी जलविद्युत परियोजना निर्माणको लागी सिडब्लुटीडब्लु कम्पनीले इपीसीएफ मोडलमा निर्माण कार्य गर्ने गराउने संझौता भएको छ ।

संझौतामा सिद्धकाली पावर लिमिटेडका अध्यक्ष डा. त्रिलोचन उप्रेती र सिडब्लुटीडब्लु कम्पनीका भाईस जनरल म्यानेजर क्यु जंग क्यूई जियांग वेई बीच मिति काठमाडौंमा एक संझौतामा हस्ताझर भएको हो ।

यस सम्झौताअनुसार चिनको सिडब्लुटीडब्लु कम्पनीले परियोजनाको कुल लागतको ९० प्रतिशत काम उधारोमा सम्पन्न गर्ने र परियोजना निर्माण भई संचालनमा आएको दुई वर्ष भित्र किस्तावन्दीमा भुक्तानी गर्नु पर्ने शर्तमा रही काम गर्ने निर्णय भएको छ ।

आयोजनाको बिस्तृत डिजाईनको काम सम्पन्न गरी अविलम्ब निर्माण सुरु गर्ने सहमति भएको छ । यो आयोजना ३० महिनामा निर्माण सम्पन्न हुनेछ । उक्त चिनीयाँ कम्पनीले यहि मोडेलमा अन्य जलविद्युत परियोजनाहरुको समेत निर्माण गरिरहेको छ । रसुवा जिल्लामा निर्माणा धिन लाङटाङ र फलांखुखोला आयोजना यहि विधिबाट निर्माण भईरहेका छन ।

सुरुमा ७५ मेगावाट क्षमता रहेको यस आयोजनामा टेनल हटाई अव यो आयोजनामा बाँधको तल ड्याम–डोई पावर हाउस बनाई यो आयोजना ३० मेगावाट क्षमतामा निर्माण गरिनेछ । यस आयोजनाबाट उत्पादन भएको विद्युतशक्ति मस्र्यादी काठमाडौं १३२ केभि ट्रान्समिशनलाईनमा जोडी राष्ट्रिय ग्रीडमा आपुर्ति गरिने जनाईएको छ ।