२६ बैशाख २०७६, बिहीबार ००:००

उपप्रधानमन्त्री पोखरेललाई प्रधानमन्त्रीको कार्यभार


काठमाडौं, वैशाख २६

राष्ट्रपति विद्यादेवी भण्डारीले प्रधानमन्त्री केपी शर्मा ओली विदेश भ्रमणमा रहनुभएकाले उहाँको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री ईश्वर पोखरेलले सम्हाल्ने गरी तोक्नुभएको छ ।

राष्ट्रपतिको कार्यालयले आज जारी गरेको विज्ञप्तिमा जनाइएअनुसार प्रधानमन्त्रीको सिफारिशमा संविधानबमोजिम रक्षामन्त्री पोखरेललाई उक्त जिम्मेवारी तोकिएको हो । प्रधानमन्त्री ओली भियतनाम र कम्बोडियाको औपचारिक भ्रमणका लागि आज त्यसतर्फ प्रस्थान गर्नुभएको थियो । उहा भियतनाम पुगि सक्नु भएको छ । त्यहाबाट कम्बोडियाको औपचारिक भ्रमण पुरा गरेर जेठ १ गते स्वदेश फर्किने कार्यक्रम रहेको छ ।