काठमाडौ, मंसिर १२। नेकपा एमालेकाे जनसंगठन अनेरास्ववियुको आज बसेको पदाधिकारी बैठक सर्वसम्मतिमा एमालेकाे ११ औँ राष्ट्रिय महाधिवेशनमा भग लिने प्रतिनिधि छनाेट गरेकाे छ ।

बैठकले ११औँ महाधिवेशनका लागि दिपक धामी, विकास श्रेष्ठ, अञ्जना सिवाकोटी, कमल जोशी, आकाश घर्ती, रचना सापकोटा र अञ्जली लम्साललाई प्रतिनिधिका चयन गरेको हाे।

यस्तै, पार्टीको ११औँ महाधिवेशनमा विद्यार्थी परिचालनको जिम्मेवारीका लागि अनेरास्ववियुका सचिव गोपाल नेपाललाई प्रमुख र जितप्रसाद सिटौलालाई उपप्रमुखका रूपमा जिम्मेवारी प्रदान गरिएको  छ।

बैठकले भर्खरै संगठनबाट बिदा भएका निवर्तमान अध्यक्ष डा. सुजन कडरियालाई पार्टीमा मनोनीत गर्ने प्रस्ताव सर्वसम्मत रूपमा सिफारिस गरेको अनेरास्ववियुले जनाएको छ।