काठमाडौं महानगरपालिका प्रमुख बालेन्द्र साह बालेनले जेनजी र नयाँ शक्ति भनिएकाहरूलाई एक गराई दलिए राजनीतिमा आउने तयारीस्वरुप छलफल अघि बढाएको प्रति साम्पाङकाे कडा प्रतिक्रिया आएको हो ।  उहाँले त्यस्ता अड्कल र प्रचारप्रति स्पष्ट असहमति जनाउँदै आफू कुनै ‘लुकेका एजेन्डा’ वा ‘अनलाइन गेमर शैलीको राजनीति’सँग नजोडिने स्पष्ट पार्नु भएको छ ।

मेयर साम्पाङको यो प्रतिक्रिया नयाँ शक्तिको नाममा भइरहेका प्रचार र सामाजिक सञ्जालको ट्रेन्ड राजनीतिप्रति लक्षित छ। पछिल्लो समय युवापुस्तालाई आकर्षित गर्ने नाराका नाममा भ्रम फैलाउने प्रवृत्तिप्रति उहाँ आलोचनात्मक देखिनु भएको छ ।

धरानमा स्वतन्त्र उम्मेदवारका रूपमा निर्वाचित भएर चर्चामा आउनुभएका मेयर साम्पाङले यसअघि पनि परम्परागत दल र ‘मिडिया हाइप’मा आधारित राजनीतिप्रति असन्तुष्टि जनाउँदै आउनुभएको छ। पछिल्लो अभिव्यक्तिले उहाँको राजनीतिक बाटो ‘नयाँ शक्ति’को साझा मोर्चाभन्दा पनि आफ्नै स्पष्ट र अलग धारमा अघि बढ्ने सङ्केत दिएको छ।

मेयर साम्पाङको यो भनाइपछि सामाजिक सञ्जालमा समर्थन र आलोचना दुवै प्रतिक्रिया देखिएका छन्। कतिपयले उहाँको स्पष्टता र आक्रामक शैलीलाई ‘अफवाहविरुद्धको साहसी अडान’ भनेका छन् भने कतिपयले घमण्डी भनेका छन् ।