नेकपाको केन्द्रीय कार्यालय कोटेश्वरस्थित पेरिसडाँडामा भएको वार्तापछि १० बुँदे सहमतिमा हस्ताक्षर गर्दै दुई पार्टी एकीकृत भएका हुन् । सहमति पत्रमा नेकपाका संयोजक पुष्पकमल दाहाल ‘प्रचण्ड’, सहसंयोजक माधवकुमार नेपाल र नाउपा अध्यक्ष रञ्जिता श्रेष्ठले हस्ताक्षर गर्नुभएको छ ।

एकीकरणपछि पार्टीको नाम ‘नेपाल कम्युनिष्ट पार्टी’ रहने र चुनाव चिह्न ‘तारा’ कायम रहने सहमतिमा उल्लेख छ । साथै, दुवै पार्टीका संघ, प्रदेश र स्थानीय तहका सबै जनप्रतिनिधि नेपाली कम्युनिष्ट पार्टीमा समाहित हुनेछन् ।

एकीकरणसँगै पार्टीको संगठनात्मक संरचना, जिम्मेवारी बाँडफाँट र भावी राजनीतिक कार्यदिशाबारे विस्तृत निर्णय क्रमशः सार्वजनिक गरिने नेताहरूले बताएका छन् ।