काठमाडौं, जेठ ३१ । नेकपा एमालेले स्थानीय तह निर्वाचनका लागि उम्मेदवार छनौटका लागि नयाँ मापदण्डमाथि छलफल अघि बढाएको छ । पार्टीले मिसन जागरण अभियानमा परिपत्र पठाएर उम्मेदवार छनौट गर्दा अपाउने मुख्य तीन आधारबारे तलबाट राय मागिएको हो ।
परिपत्र अनुसार एउटै व्यक्ति पटकपटक दोहोरिने प्रवृति निरुत्साहन गरिने उल्लेख छ । उम्मेदवार छान्दा लोकप्रियता, कार्यक्षमता, इमानदारी, सामाजिक स्वीकार्यता, भूगोलको ज्ञान र जनसेवाको इतिहासलाई मुख्य आधार बनाउने उल्लेख छ ।
तल्लो कमिटीको सिफारिस भएका मध्येबाट केन्द्रले उपयुक्त ठानेकोलाई छान्ने, सम्बन्धित तहले सिफारिस गरेकामध्ये कुनै एकलाई व्यवहारिकताको आधारमा उम्मेदवार तोक्ने र जुन तहमा उम्मेदवार बनाउने हो सोही तहका तोकिएका पार्टी सदस्यको मतदाबाट छनौट गर्ने यी तीन विधिमाथि एमालेले छलफल गराउन लागेको हो ।
यीमध्ये कुन विधिबाट उम्मेदवार छान्ने भनेर यो अभियानमा पार्टी पंक्तिमा प्राथमिकता साथ छलफल गरेर निष्कर्षमामा पुर्याउने एमालेको सर्कुलरमा भनिएको छ ।
प्रतिक्रिया दिनुहोस्