काठमाडौं, साउन ६ । प्रधानमन्त्री बालेन्द्र शाहले पछिल्ला दिनमा निजी क्षेत्र, बैंक तथा धितोपत्र बजारका सरोकारवालासँग लगातार छलफल गरिरहँदा अर्थमन्त्री डा. स्वर्णिम वाग्ले भने ती बैठकमा देखिनुभएको छैन। कार्यान्वयन गर्ने मन्त्रालयका मन्त्री नै अनुपस्थित भएपछि सरकारभित्र समन्वय र प्रधानमन्त्री–अर्थमन्त्री सम्बन्धबारे प्रश्न उठ्न थालेका छन्।

सरकारी स्रोतका अनुसार बजेट, कर नीति, सरकारी उद्योग सञ्चालनलगायत विषयमा प्रधानमन्त्री र अर्थमन्त्रीबीच नीतिगत मतभेद रहेको चर्चा छ। रास्वपाभित्रको आन्तरिक शक्ति समीकरणको प्रभाव पनि दुवै नेताबीचको दूरी बढ्नुको अर्को कारणका रूपमा हेरिएको छ। यद्यपि प्रधानमन्त्री कार्यालय र अर्थ मन्त्रालयले यसबारे कुनै औपचारिक प्रतिक्रिया दिएका छैनन्।