मृतक सर्लाहीको लालबन्दी–२ निवासी २९ वर्षीया कविताकुमारी ढुङ्गाना हुनुहुन्छ। उहाँ आफ्ना श्रीमान् ३० वर्षीय रतन गुप्तासँग विद्यालय परिसरभित्र रहेको आवासीय कोठामा बस्दै आउनुभएको थियो। दुवै जना गत वैशाखदेखि सोही विद्यालयमा अध्यापन गर्दै आउनुभएको थियो।

जिल्ला प्रहरी कार्यालय झापाका अनुसार घटनाबारे अनुसन्धान भइरहेको छ। शव पोस्टमार्टमका लागि पठाइएको छ भने मृत्युको कारण खुल्न बाँकी छ।

विद्यालयका प्रधानाध्यापक दुर्गाबहादुर लुइँटेलका अनुसार विद्यालय बिदामा रहेका कारण दुवै शिक्षकसँग सम्पर्क हुन सकेको थिएन। सोमबार साँझ गुप्ताले वाट्सएपमार्फत श्रीमती झुन्डिएको अवस्थामा फेला परेको, आफूले शव अर्को कोठामा सारेको र डरका कारण त्यहाँबाट निस्किएको भन्दै कानुनी प्रक्रिया पूरा गरिदिन अनुरोध गरेको सन्देश पठाएका थिए।

स्थानीयवासीका अनुसार गुप्ता आइतबार साँझ दुईवटा झोला बोकेर विद्यालयबाट बाहिरिँदै गरेको देखिएका थिए। त्यसयता उहाँ सम्पर्कविहीन रहनुभएको छ।

प्रहरीले घटनाका सबै पक्षबाट अनुसन्धान अघि बढाएको तथा सम्पर्कविहीन रहेका श्रीमान्को खोजी कार्य जारी रहेको जनाएको छ।