काठमाडौं, पुष २५

सरकारले उखु किसानको बक्यौता रकम नतिरे कारवाही गर्ने चेतावनीपछि कांग्रेसका नेताले किसानको १२ करोड रुपैयाँ तिरेको जनाएका छन् ।

कांग्रेसका पार्टीका प्रदेश ५ संसदीय दलका उपनेतासमेत रहेका चिनी मिल सञ्‍चालक विरेन्द्र कनौडियले उखु किसानको १२ करोड रुपैयाँ भुक्तान गरेको बताउनुभयो ।

महालक्ष्मी उखु मिलका सञ्‍चालक कनौडियाले उखु किसानहरुको खातामा १२ करोड रुपैयाँ जम्मा गरेका हुन् । नेता कनौडियाले उखु किसानको १२ करोड रुपैयाँ बैक खातामा जम्मा गरेको कांग्रेस प्रवक्ता विश्वप्रकाश शर्माले पनि जानकारी दिनुभयो । उहाकाका अनुसार बाँकी रहेको ६ करोड रुपैयाँ यथाशीघ्र चुक्ता गर्नेसमेत प्रतिबद्धता जनाएका छन् ।