काठमाडौै, असोज २३

सर्वोच्च अदालतले विवादस्पद निर्माण कम्पनी पुष्प कन्ट्रक्सनका मालिकसमेत रहेका हरिनारायण रौनियारको निलम्बित सांसद पद फुकुवा गर्न अस्वीकार गरिदिएको छ । सर्वोच्चको आदेशसँगै रौनियारको संसद छिर्ने प्रयास तत्कालका लागि रोकिएको हो ।

सांसद पद फुकुवाका लागि रौनियारले दिएको निवेदनमाथि विहिवार सुनुवाइ गर्दै न्यायाधीश विश्वभरप्रसाद श्रेष्ठको एकल इजलासले सांसद पद फुकुवा गर्ने अन्तरिम आदेश दिन अस्वीकार गरेको हो । यद्यपी सर्वोच्चले संघीय संसद सचिवालयलाई कारण देखाउ आदेश भने दिएको छ । साथै उनको यो मुद्दालाई अग्राधिकार दिने निर्णय पनि गरेको छ ।

उनी तत्कालीन संघीय समाजवादीका तर्फबाट पर्सा–३ बाट निर्वाचित भएका थिए । श्रेष्ठको इजलासले उनले दिएको निवेदन अग्राधिकार दिएर सुनुवाइ गर्न आदेश दिएको छ । दुई वर्षअघि आयोगले पप्पु कन्ट्रक्सन र त्यसका मालिक रौनियार, उनका छोरा समितसहित १२ जनाविरुद्ध विशेष अदालत काठमाडौँमा मुद्दा दायर गरेको थियो ।

भ्रष्टाचार मुद्दा लागेपछि स्वत सार्वजनिक पद निलम्बिन हुने भ्रष्टाचार निवारण ऐन २०५९ को दफा ३३ अनुसार रौनियारको पद निलम्बनम परेको जानकारी आयोगले संसद सचिवालयलाई गराएको थियो ।