१५ मंसिर २०७७, सोमबार ००:००

आज देशभर थपिए १४७४ संक्रमित, १९३१ जनालाई स्वास्थ्यलाभ, २९ को मृत्यु


काठमाडौं, मंसिर १५

पछिल्लो २४ घण्टामा देशभर १ हजार ४७४ जना कोरोना संक्रमित थपिएका छन् । यो सहित नेपालमा कुल संक्रमितको संख्या २ लाख ३३ हजार ४ सय ५२ पुगेको छ। स्वास्थ्य तथा जनसंख्या मन्त्रालयका अनुसार आज देशभर १ हजार ९३१ जना संक्रमणमुक्त भएका छन्।

योसँगै संक्रमणमुक्त हुनेको संख्या २ लाख १४ हजार ५ सय २१ पुगेको छ। देशभर १७ हजार ४२३ जना सक्रिय संक्रमित रहेको मन्त्रालयले जनाएको छ। पछिल्लो २४ घन्टामा देशभर २९ जना कोरोना संक्रमितको मृत्यु भएको छ। अहिलेसम्म १ हजार ५ सय ८ जना संक्रमितको मृत्यु भइसकेको छ।