काठमाडौं, पुष २९
गत असार १६ गते बसेको नेपाल कम्युनिष्ट पार्टी (नेकपा)को स्थायी कमिटीमा एउटा विषय खुल्ला रुपमा आयो । त्यसको झल्को प्रधानमन्त्री एंव नेकपाका पहिलो नम्बरका अध्यक्ष केपी शर्मा ओलीले दिइसक्नु भएको छ ।
नेपालले कालापानी, लिपुलेक र लिम्पियाधुरा समेटेर नक्सा जारी गरेपछि प्रधानमन्त्रीबाट केपी शर्मा ओलीलाई हटाउन भारत खुलेर लागेको थियो । सोही विषयलाई प्रधानमन्त्री ओलीले बालुवाटारमा आयोजित एक कार्यक्रमै खुल्ला रुपमा भनिदिनु भयो । त्यसैको भोलीपल्ट अर्थात २०७७ असार १६ गते मंगलबार बसेको स्थायी कमिटी बैठकमा दोस्रो नम्बरका अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल, झलनाथ खनाल र बामदेव गौतमले राजिनामा माग गर्नुभयो । प्रचण्डले भारतले होइन हामीले राजिनामा मागेको बैठकमा स्पष्ट पार्नुभयो ।
तर, सो राजिनामा भारतले नै माग्न लगाएको विषय स्वयम प्रचण्डले स्विकार गर्नुभएको छ । त्यो पनि कुनै अध्यारो कोठा वा गोप्य रुपमा होइन । कार्यकर्ता र सार्वजनिक सञ्चारमाध्यम अगाडी राखेर भारतले नै राजिनामा माग्न लगाएको तर आफुहरुले नमागेको खुलासा गर्नुभएको छ । यद्यपी त्यस बेला दाहाल–नेपाल समर्थित सञ्चारमाध्यमले नै प्रधानमन्त्रीको राजिनामा माग गरेको कुरा उठाएका थिए । यो हेर्नुहोस् प्रमाण
प्रचण्ड–माधव नेपाल पक्षधर नेकपाको काठमाडौं जिल्ला भेलालाई बुधवार सम्बोधन गर्दै प्रचण्डले त्यसबेला भारतले भनेर आफुहरुले नहटाएको दावी गर्नुभयो । त्यसबेला राजिनामा माग गर्ने र अहिले माग गरेको छैन भन्दै अभिव्यक्ति दिनु भएको हो । कार्यक्रममा उहाले भन्नुभयो, ‘असारको हाम्रो स्थायी समितिको बैठक बस्दा त मलाई भारतले हटाउन खोजेको छ । मेरा साथीहरुले पनि हटाउन खोजेका छन् भन्नुहुन्थ्यो (प्रधानमन्त्री ओलीले) । हामीले हटाएनौ त्यत्तिबेला । भारतले भन्दैमा हटाउने हो र भनेर हटाएनौ नि त हामीले ।’
प्रतिक्रिया दिनुहोस्