काठमाडौं, माघ २६

प्रतिनिधिसभा विघटन भएपछि हतार हतारमा समय किर्ते गरेर संसद सचिवालयमा अविश्वासको प्रस्ताव दर्ता गराउनु भएका नेकपाका अध्यक्ष पुष्पकमल दाहाल प्रचण्डले आफुहरु पदका लागि लडाई नलडेको दाबी गर्नुभएको छ । अविश्वासको प्रस्ताव दर्ता गर्दा उहाले भावी प्रधानमन्त्रीमा आफुलाई प्रस्ताव गर्नुभएको थियो ।

प्रतिनिधिसभा विघटनपछिको आन्दोलनमा जनताले साथ नदिएपछि उहा अहिले पदका लागि नलडेको भन्दै स्पष्टिकरण दिदै हिड्नु भएको छ । ‘हाम्रो लडाइँ पदको लागि हैन, विचार, सिद्धान्त, प्रणालीको लागि हो । तर, प्रतिक्रान्ति गर्न क्रान्तिकारी विचारलाई भुत्ते बनाई दिने, क्रान्तिकारी विचारलाई निस्तेज बनाइदिने, क्रान्तिकारी नेतृत्वलाई जति सकिन्छ बदनाम गर्न सक्यो त्यति प्रतिक्रान्तिको आधार बन्दै जान्छ । यो सच्चाइ बुझ्न सकिएन भने हामीले लडाइँ हार्छौ । त्यसकारण यो पदको लडाइँ हैन । अग्रगमन र प्रतिगमनको लडाँई हो’, राजधानीमा आयोजित कार्यक्रममा प्रचण्डले भन्नुभयो ।

यसअघि पार्टी विभाजन गरकै भोलीपल्ट केन्द्रीय समितिबाट हातहाती अध्यक्ष बन्नु भएका माधवकुमार नेपालले पनि आफुहरुको पद लडाईको नभएको बताउनु भएको थियो । नेकपा सग्लो रुपमा रहँदा पनि प्रचण्ड र नेपालबीच प्रधानमन्त्री र अध्यक्ष बन्ने दाउमा केपी शर्मा ओलीविरुद्ध षडयन्त्र रचिरहनु भएको थियो । जसले गर्दा नेकपामा पदको लडाई कोरोनाले आक्रान्त बनाउँदा शुरु भएको थियो । कोरोनाले देशलाई आँक्रान्त बनाउँदा पनि यी नेताहरु पदका लागि पार्टीमा लडाई लडिरहेका थिए ।