चितवन, जेठ ३२

सत्तारुढ नेपाल कम्युनिस्ट पार्टी (नेकपा) अध्यक्ष पुष्पकमल दाहाल, प्रचण्डले खाद्यन्नमा आत्मनिर्भर बन्ने गरी नयाँ मोडलको विकासतर्फ नेपाललाई लैजाने गृहकार्य भइरहेको बताउनु भएको छ । चितवनको रामपुरमा कृषि विश्व विद्यालयले आज आयोजना गरेको कृषि प्रदर्शनी तथा कृषक मेलाको उदघाटन गर्दै अध्यक्ष प्रचण्डले सो जानारी दिनुभएको हो ।

पूर्वप्रधानमन्त्रीसमेत रहनुभएका अध्यक्ष प्रचण्डले पुरानो ढंगको बिकाश अव संभव नहुने बताउनु भयो । ‘पुरानो ढंगले विकास अव संभव छैन, त्यसैले नयाँ मोडलको विकास आवश्यक छ,’ प्रचण्डको भनाई थियो । समय अनुकुल विकास गर्न नसक्दा नै नेपाल पछाडि परेको ठोकुवा गर्दै प्रचण्डले समयको गतिअनुसार सरकारले काम गर्न नसकेको तथ्यलाई आफूहरुले स्वीकार गरेको बताउनु भयो । विकसित मुलुकमा कृषिलाई धेरै महत्वको रुपमा हेर्ने गरिए पनि नेपालमा भने यसको महत्व चिन्न नसक्दा पछि परिएको उहाँको भनाइ थियो ।

‘कृषिलाई आधुनिककरण नगरेसम्म विकासको स्वाद चाख्न पाइदैन । देशको आर्थिक विकासको लागि कृषिलाई आधुनिकीकरण गर्नु अपरिहार्य छ,’ प्रचण्डले भन्नुभयो । उहाँले नेपालमा उत्पादन भएको सामग्रीले यँहीकालाई खान नपुगेको भन्ने भनाइलाई अस्वीकार गर्नुभयो । ‘हामी प्रविधि भित्राउदैनौं, पुरानै शैलीबाट काम गर्छौ, अनि कसरी उत्पादन बृद्धि गर्न सकिन्छ ?’ प्रचण्डको भनाई थियो ।

उहाँले समय अनुकुलका विकासका सामग्री ल्याएर यहाँको कृषि उत्पादनलाई बृद्धि गराउनको लागि सम्वन्धित क्षेत्रलाई आग्रह पनि गर्नुभयो । ‘दश करोड जनतालाई खान पुग्ने गरी उत्पादन गर्न सक्ने क्षमता नेपाली माटोमा छ, तर यो तथ्यलाई हामीले चिन्न सकेका छैनौं,’ अध्यक्ष प्रचण्डले भन्नुभयो । उहाँले समय अनुसार काम गरेमा नेपाली जनतालाई खान पुगेर विदेश निर्यात गर्न सकिने तथ्य पनि राख्नुभयो ।

समाजबाद ल्याउनको लागि उत्पादन र रोजगार प्रयाप्त हुनु पर्दछ । हामी समाजवादको कुरा गर्छौं, तर अभाव र आयातमा बाचेका छौं, यसरी समाजवाद आँउदैन । हामीले अहिलेबाटै उत्पादनलाई जोड दिनुपर्छ, त्यो पनि कृषिको माध्यमबाट

‘समाजबाद ल्याउनको लागि उत्पादन र रोजगार प्रयाप्त हुनु पर्दछ । हामी समाजवादको कुरा गर्छौं, तर अभाव र आयातमा बाचेका छौं, यसरी समाजवाद आँउदैन । हामीले अहिलेबाटै उत्पादनलाई जोड दिनुपर्छ, त्यो पनि कृषिको माध्यमबाट,’ उहाँको भनाई थियो । रामपुर कृषि क्याम्पसका पूर्वविद्यार्थी समेत रहनुभएका नेकपा अध्यक्ष प्रचण्डले कृषिमा इजरायलको प्रविधि नेपालमा भित्र्याउनको लागि सरकारको आवश्यक गृहकार्य अघि बढाएको जानकारी पनि दिनुभयो ।