काठमाडौं, साउन १३

नेकपा एमालेको माधवकुमारन नेपाल समूहका नेता डा. विजय पौडेल मन्त्री माग्ने बैठकमा सहभागी हुन प्रधानमन्त्री निवास बालुवाटार पुगेपछि उहाँकै कार्यकर्ताले माफियाको आरोप लगाउनुभएको छ । डा. पौडेलहरूकै समूहको अनेरास्ववियूका केन्द्रीय सदस्य हीरा धामीले पौडेल सत्तारूढ दलको बैठकमा सहभागी भएपछि माफिवा बैठकमा गएछ भन्दै फेसबुक मार्फत सार्वजनिक टिप्पणी गर्नुभएको हो ।

उहाँले लेख्नुभएको छ, ‘काठमाडौं–१० उम्मेदवार हुँ भन्ने स्वघोषित नेता माफिया बालुवाटर बैठकमा गएछ।’ सरकारमा सहभागी हुने विषयमा माधव नेपाल समूह विभाजित अवस्थामा रहेको छ । त्यसअघि नेता मानेका कार्यकर्ताले नै बालुवाटार छिरेर मन्त्रीको भागबण्डाको बैठकमा सहभागी भएपछि पौडेलमाथि यस्तो अभियोग लागेको हो ।