काठमाडौं, असार १४

सत्तारुढ नेपाल कम्युनिस्ट पार्टी (नेकपा) का नेता भीम रावलले भारतीय चलचित्र पुरस्कार (आइफा) को लागि नेपाल सरकारले खर्च गर्ने निर्णयप्रति गम्भीर आपत्ति जनाउनु भएको छ ।

भारतीय चलचित्र पुरस्कार आइफाको आयोजनाको लागि काठमाडौं महानगरपालिकाले ४४ करोड दिने र र नेपालको एक अर्व भन्दा बढी खर्च हुने भन्दै रावलले आपत्ति जनाउनु भएको हो ।

‘भारतीय चलचित्र पुरस्कार आइफाको आयोजनाको लागि काठमाडौं महानगरपालिकाले ४४ करोड दिने, नेपालको करिव १ अर्ब लगानी हुने र त्यसलाई सरकारले स्वीकृति दिएको खवर सुन्दा आश्चर्य लागेको छ,’ नेता रावलले ट्वीट गर्दै भन्नुभएको छ, ‘यस्ता काम कस्को उक्साहट र स्वार्थमा कसले किन गर्छ होला ?, नेकपाको स्थायी कमिटीको बैठक भए जान्न पाइन्थ्यो कि ?’ ।

पछिल्लो समय रावल सरकारको हरेक बिषयमा यसैगरी आक्रामक रुपमा आलोचना गर्दै आउनु भएको छ ।