काठमाडौं, असार १४

प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीले पार्टी एकताका बाँकी काम नयाँ आर्थिक वर्ष सुरु हुनुभन्दा पहिले नै सम्पन्न भइसक्ने घोषणा गर्नुभएको छ । मदन भण्डारी फाउन्डेसनले काठमाडौंमा आज आयोजना गरेको कार्यक्रमलाई सम्बोधन गर्दै प्रधानमन्त्री ओलीले सो घोषणा गर्नुभएको हो ।

‘अबको पन्ध्र–सोह्र दिनभित्र पार्टी एकताका बाँकी काम पुरा हुन्छ, नयाँ आर्थिक वर्षको सुरु भएसंगै सबै प्रकृया टुंगो लाग्छ,’ प्रधानमन्त्री ओलीले भन्नुभयो ।

प्रधानमन्त्री ओलीले सरकारले राम्रा काम गरिरहेको र सरकारका काममा व्यस्त हुनुपर्ने भएका कारण पार्टी एकताका कामले तिब्रता पाउन नसकेको बताउनु भयो । प्रधानमन्त्री ओलीले सरकारले राम्रो काम गरे पनि प्रचार गर्न नसकेको भनाई पनि उहाँको थियो ।