काठमाडौं, भदौ १ । अस्ट्रेलियावासीको यस पटकको दशै तिहार संगीतमय हुने भएको छ । नेपाली पप क्षेत्रका चर्चित गायक नवीन के भट्टराई तथा सुगम पोखरेलसँगै नेपाल आडल ४ का प्रतियोगी आदेश पौडेलले यो बर्षको दशै तिहारमा अस्ट्रेलियाका विभिन्न ठाँउमा आफ्नो सांगितिक प्रस्तुति दिने हुनुभएको हो ।

उक्त कार्यक्रम अस्ट्रेलियाको डार्विन, एड्लेड, क्यान्बेरा, पर्थ, मेल्बर्न, सिडनी, लाउन्सेटन, बृस्बेन, गोलकोस्ट, नियुक्यासललगायतका ठाउँमा आयोजना हुनेछ ।

अस्ट्रेलियामा केही वर्षपछि आफ्नो सांगितिक प्रस्तुति दिन लागेकोमो आफू उत्साहित भएको गायक नवीन के भट्टराईले बताउनु भयो । त्यस्तै, अर्का गायक सुगमले पनि यो वर्षको ठूलो चाड संगीतमय हुनेमा आशा ब्यक्त गर्नुभयो ।

उहाँले आफ्ना नया तथा पुराना गीत सुनाउने बताउनु भयो। त्यस्तै, आदेशले पनि आफ्नो पहिलो सांगितिक यात्रा अग्रजसँग गर्न पाउँदा भाग्यमानी भएको र कार्यक्रमको लागि उत्साही भएको बताउनु भयो । कार्यक्रम सेप्टेम्बर २३ देखि अक्टोबरको अन्तिम सातासम्म हुनेछ ।