काठमाडौं, साउन १५

शोषण, विपन्नता, विभेद एवं कूरीतिमुक्त समाज निर्माणको अभियानमा जीवनको झण्डै पाँचदशक समर्पण गर्नुभएका मोरङका गुरुप्रसाद बराललाई २५ औं प्रकाश मानवअधिकार पुरस्कारबाट सम्मानित गरिने भएको छ । अनौपचारिक सेवा केन्द्र (इन्सेक) का महासचिव रमेशचन्द्र पौडेलको संयोजकत्वमा गठित छनोट समितिले उहाँलाई सो सम्मान अर्पण गर्ने निर्णय गरेको हो ।

छनोट समितिमा इन्सेकका कोषाध्यक्ष गीता बाराल र सदस्य नीलमशेखर अधिकारी सदस्य रहनुभएको संस्थाका अध्यक्ष डा. इन्दिरा श्रेष्ठद्वारा आज यहाँ जारी विज्ञप्तिमा जनाइएको छ । इन्सेकका सस्थापक महासचिव प्रकाश काफ्लेको विसं २०४९ साउन १६ गते नुवाकोटको घोप्टेभीरमा थाई एयरको विमान दुर्घटनामा परी निधन भएको थियो । नेपालको मानवअधिकार र सामाजिक न्यायको अभियानमा काफ्लेले पु¥याउनु भएको योगदानलाई चिरस्थायी बनाउन इन्सेकले उक्त पुरस्कार स्थापना गरेको थियो ।

मानवअधिकार, राजनीति, शिक्षा, स्वास्थ्य तथा सामाजिकलगायत क्षेत्रमा विशिष्ट योगदान पु¥याएका व्यक्तित्वलाई प्रकाश स्मृति दिवसका अवसरमा दिइने सो पुरस्कार हालसम्म विभिन्न क्षेत्रका २४ व्यक्तित्वले पाइसकेका छन् । आगामी बिहिबार सो पुरस्कार अर्पण गरिने इन्सेकले जनाएको छ ।