एजेन्सी १८ असोज । रोयल स्वीडिश एकेडेमी अफ साइन्सेजले मंगलबार एलेन एस्पेक्ट, जोन एफ क्लाउजर र एन्टोन जिलिङ्गरलाई ‘क्वान्टम मेकानिक्स’ मा उत्कृष्ट योगदानको लागि २०२२ को भौतिकशास्त्रको नोबेल पुरस्कार घोषणा गरेको छ । रोयल स्वीडिश एकेडेमी अफ साइन्सेसका महासचिव हान्स एलेग्रेनले स्टकहोमको कारोलिस्का इन्स्टिच्युटमा मंगलबार विजेताहरूको घोषणा गरेका हुन् ।

स्वीडिश एकेडेमीले आफ्नो विज्ञप्तिमा भनेको छ , ‘भौतिकशास्त्रमा २०२२ नोबेल पुरस्कार विजेताहरूले उलझनपूर्ण क्वान्टम अवस्थाहरू प्रयोग गरेर अभूतपूर्व प्रयोगहरू गरेका छन् । क्वान्टम राज्यहरूमा, दुई कणहरू अलग हुँदा एक एकाइको रूपमा व्यवहार गर्छन् । परिणामहरूले नयाँ प्रविधिमा आधारित नयाँ प्रविधिको लागि मार्ग प्रशस्त गरेको छ क्वान्टम जानकारीले।’

यसअघि सोमबार चिकित्साशास्त्रतर्फको नोबेल पुरस्कार स्वीडेनका वैज्ञानिक स्वान्ते पाइबोलाई दिने घोषणा गरिएको थियो । उनलाई यो अवार्ड मानव विकासमा गरेको अनुसन्धानका लागि दिइएको हो ।

रसायनशास्त्रतर्फको नोबेल पुरस्कार बुधबार घोषणा हुँदैछ । साहित्यतर्फको नोबेल पुरस्कार बिहीबार प्रदान गरिने भएको छ । त्यसपछि नोबेल शान्ति पुरस्कार, २०२२ शुक्रबार घोषणा गरिनेछ र अर्थशास्त्रको नोबेल पुरस्कार १० अक्टोबरमा घोषणा गरिनेछ ।