न्युयोर्क, ८ मंसिर । कोभिड–१९ को महामारीको कारणले गर्दा विश्वले अहिले अन्तर्राष्ट्रिय रूपमा धेरै स्थानहरूमा दादुरा फैलिने खतराको सामना गरिरहेको विश्व स्वास्थ्य संगठन (डब्लूएचओ) र अमेरिकी स्वास्थ्य एजेन्सी, रोग नियन्त्रण र रोकथाम केन्द्र (सीडीसी) ले बुधवार चेतावनी दिएको छ ।

दुई संस्थाहरूद्वारा जारी गरिएको संयुक्त प्रतिवेदनअनुसार सन् २०२१ मा ४ करोड बालबालिकाले दादुराको खोपबाट बन्चित भए । यसले कोभिड–१९ महामारीले सिर्जना गरेको बाधाहरूलाई सहयोग गरेको छ ।

रोयटर्ससँग कुरा गर्दै डब्लूएचओका दादुरा प्रमुख प्याट्रिक ओ कनरले विगतका वर्षहरूको तुलनामा दादुराका बिरामीको संख्या नाटकीय रूपमा नबढेको तर अब काम गर्ने समय आएको बताउनुभयो । ‘हामी एउटा क्रसरोडमा छौं’ उहाँले टिप्पणी गर्नुभयो । आगामी १२–२४ महिना धेरै चुनौतीपूर्ण हुनेछन् किनकि विश्वले दादुराको अवस्थालाई न्यून गर्ने प्रयास गरिरहेको छ ।