लन्डन, २७ कात्तिक । बेलायती प्रधानमन्त्री ऋषि सुनकले देशका गृहमन्त्री सुएला ब्रेभरम्यानलाई बर्खास्त गरेका छन् । ऋषि सुनकलाई ब्रेभरम्यानलाई हटाउन दबाब परेको थियो । वास्तवमा, सुएला ब्रेभरम्यानले प्यालेस्टाइन समर्थकहरूको प्रदर्शनका क्रममा प्रहरीमाथि रोस प्रकट गरेकी थिइन् ।

ब्रेभरम्यानले प्रहरीले प्यालेस्टिनी समर्थक प्रदर्शनकारीहरूप्रति धेरै नरम भएको आरोप लगाएकी छन्। उनले गाजामा युद्धविरामको माग गर्दै प्यालेस्टिनी समर्थक प्रदर्शनकारीहरूको भीडलाई घृणा मार्चको रूपमा वर्णन गरेका थिइन् । लन्डनमा प्यालेस्टाइन समर्थक प्रदर्शनको जवाफमा शनिबार मध्य लन्डनमा प्रदर्शनकारीहरूको प्रहरीसँग झडप भएको थियो । लन्डन मेट्रोपोलिटन पुलिसले यस घटनामा १२६ जनालाई पक्राउ गरेको छ।

पछिल्ला केही दिनदेखि उनले लगातार कडा बयान दिइरहेकी छिन् । पार्टीमा ऋषि सुनकसँग प्रतिस्पर्धा गर्न उनी आगामी चुनावमा आफूलाई दक्षिणपन्थी नेताको रुपमा देखाउन चाहेको केही विज्ञहरुको भनाइ छ । उनले विगतमा पनि धेरै कडा बयान दिदैं आएकी थिइन् ।