क्यार्लिफोनिया, १ माघ । सन् २०२३ मा सुरु भएको कर्मचारी कटौतीको प्रक्रिया २०२४ मा पनि जारी रहनेछ । विश्वको सबैभन्दा ठूलो कम्पनी मध्येको एक गुगलले भर्खरै ठूलो मात्रामा कर्मचारी हटाउने घोषणा गरेको छ र अब यसले धेरै कर्मचारीहरूलाई बाहिरिने ढोका देखाएको छ । भर्खरै गुगलको जागिरको शिकार भएका एक कर्मचारीले सामाजिक सञ्जालमा आफ्नो पीडा पोखेका छन् ।

१९ वर्षदेखि कम्पनीमा सेवा गर्दा पनि कुनै फाइदा नभएको भन्दै कम्पनीले एकै रातमा बर्खास्त गरेको कर्मचारीले बताउनुभएको छ । केभिन बोरिलियन विगत १९ वर्षदेखि गुगलमा सफ्टवेयर इन्जिनियरका रूपमा कार्यरत हुनुहुन्थ्यो । एक दिन बिहान अचानक कम्पनीले जागिरबाट निकालेको खबर आयो । एक्समा यो जानकारी दिँदै लेख्नुभयो,‘एक युगको अन्त्य भएको छ ! गुगलमा १९ वर्षसम्म निरन्तर काम गरेपछि, मैले स्थापना गरेको टोलीका १६ जनाभन्दा बढी व्यक्तिहरू म सहित अचानक रातारात निकालिए ।’

‘यद्यपि लेअफहरू पीडादायी छन्, यो मेरो मामलामा ठीक थियो किनभने मलाई लामो समयको लागि परिवर्तन आवश्यक थियो । यस्तो अवस्थामा छुट भइसकेपछि अहिले मसँग समय मात्रै छ । म चाँडै कुनै पनि नयाँ काम लिने छैन र मेरो सबै समय साइकल चलाउने, किताबहरू पढ्न, ड्रम सिक्ने र मेरो परिवारसँग बिताउने छु ।’

केभिन बोरिलियनको लिंक्डइन प्रोफाइलका अनुसार उहाँले गुगलमा जम्मा १९ वर्ष ४ महिना काम गर्नुभएको थियो । उहाँले गुगलका कर्मचारीहरुलाई धन्यवाद दिँदै भन्नुभएको छ,‘जे जे पाएको छु, त्यसलाई आशिर्वाद मान्छु । मलाई यो बर्खास्तमा कुनै सहानुभूति चाहिँदैन ।’ यससँगै उहाँले आशा व्यक्त गर्दै आगामी दिनमा कसरी जीवन बिताउने भन्ने सोचमा रहेको बताउनुभयो ।