सिडनी (अष्ट्रेलिया), फागुन २० । प्रवासी नेपाली मञ्च (ओएनएफ) अष्ट्रेलिया, न्यु साउथ वेल्स राज्य कमिटीको अध्यक्षमा सूर्यमोहन ( मोहन) शर्मा सर्वसम्मत चयन हुनुभएको छ ।

शनिवार अर्थात मार्च २ गते सम्पन्न तेस्रो अधिवेशनले शर्माको नेतृत्वमा सर्वसम्मत रुपमा २१ सदस्यीय नयाँ कार्यसमिति चयन गरेको हो ।

प्रवासी नेपाली मञ्च अन्तराष्ट्रिय कमिटीका उपाध्यक्ष रमेश पाण्डेको प्रमुख आतिथ्यतमा भएको उक्त अधिवेशनले उपाध्यक्षमा गोबिन्द तामाङ, सचिवमा उषा किरण बारिया, उपसचिवमा अञ्जान सोनी र अवानी पौडेल तथा आर्थिक बिभाग प्रमुखमा बिनोद खडका चयन गरेको छ ।

यसैगरी सदस्यहरुमा, पवन डल्लाकोटी, सृजन भट्टराई, बिशाल रेग्मी, सागर सिलवाल, साजन श्रेष्ठ, रमेश सिंह, सशांक बस्याल, दिनेश अधिकारी, कुशल रिमाल, योगेश पराजुली, दिव्य प्रधान, विवेक शाक्य, सुजन श्रेष्ठ, सुशन जोशी र उमेश बिकेलाई चयन गरेको छ ।

अधिवेशनले १२ सदस्यीय सल्लाहकार कमिटीसमेत गठन गरेको छ । सल्लाहकार कमिटमिा बाबुराम पोखरेल, राजु गौचन, प्रेम शाह, भूपेन्द्र चुडाल, तारा लामा, शरद सापकोटा, डा. लेनिन पौडेल, दीपक जोशी, लक्ष्मण भुसाल,अर्जुन पौडेल, सीताराम घिमिरे र अशोक उप्रेती हुनुहुन्छ ।

प्रवासी नेपाली मञ्च अन्तराष्ट्रिय कमिटीका उपाध्यक्ष रमेश पाण्डेको प्रमुख आतिथ्यतमा सम्पन्न उक्त अधिवेशनमा गैरआवासीय नेपाली संघ (एनआरएनए) आईसीसीका उपाध्यक्ष तथा ओएनएफका नेता बिनोद श्रेष्ठ, सचिव ज्ञानेन्द्र रेग्मी, ओशेनिया संयोजक दिनेश पोखरेल, एनआरएन अष्ट्रेलियाका अध्यक्ष अनिल पोखरेल, पूर्वअध्यक्ष नन्दू गुरुङ, प्रवासी नेपाली मञ्च अन्तराष्ट्रिय कमिटीका सदस्य शिशिर नेपाल, ओशेनिया क्षेत्र अध्यक्ष राजु उपाध्याय, अष्ट्रेलियाका अध्यक्ष केशब जोशीलगायतले सम्बोधन गर्नुभएको थियो ।

प्रवासी नेपाली मञ्च अष्ट्रेलिया न्यू साउथ वेल्स राज्य कमिटीका अध्यक्ष कृष्ण सापकोटाको अध्यक्षतामा भएको उदघाटन समारोहको सञ्चालन सचिव शिव पौडेलले गर्नुभएको थियो भने बन्दसत्रको अध्यक्षता प्रवासी नेपाली मञ्च अष्ट्रेलियाका अध्यक्ष केशब जोशी र सञ्चालन सचिव प्रकाश पन्थीले गर्नुभएको थियो ।

यसैगरी बन्दसत्रमा प्रमुख अतिथि प्रवासी नेपाली मञ्च अन्तराष्ट्रिय कमिटीका उपाध्यक्ष रमेश पाण्डेले ‘कमिटी पद्धति र नेतृत्व चयन प्रकृया’ बारे र ओशिनिया अध्यक्ष राजु उपाध्यायले आगामी ‘नेतृत्वको चिन्तन र ब्यवहार’ कस्तो हुनुपर्छ भन्ने बिषयमा प्रशिक्षण दिनुभएको थियो ।