मलेसिया, चैत १५ । सोलुखुम्बुका दावा शेर्पालाई नेपाली राजदुतावास मलेसियाले सम्मान गरेको छ।‌ देशकै प्रतिष्ठा बढाउने काम गरेकोमा मलेसियाका लागि नेपाली राजदूत डिल्लीराज पौडेललेशेर्पालाई सम्मान गर्नुभएको हो ।

मलेसियाको ए फाइभ सेक्युरिटी सर्भिसमा चार वर्षदेखि काम गर्दै आउनुभएका दावाले गत हप्तादमनसरास्थित एक सपिङ सेन्टरको गाडि पार्किङमा डिउटिमै रहेको अवस्थामा मलेसियन ५ लाख ८७हजार,५ सय १६ रिङगेट रहेको सुटकेस फेला भेट्टाउनु भएको थियो ।

आफूले फेला पारेको पैसाको उक्त सुटकेस उहाँले आफू कार्यरत कम्पनी मार्फत नजिकैको प्रहरीलाईबुझाउनु भएको थियो । शेर्पाको सोही कामको कदर गर्दै नेपाली राजदुतावास मलेसियाले मंगलवारदावालाई सम्मान गरेको हो ।

शेर्पाले आफ्नो पेशागत निष्ठा तथा व्यवसायिकता प्रमाणित गरिएको भन्दै शेर्पाको इमानदारीलाईसम्मान गरेको राजदूत पौडेलले बताउनु भयो ।

शेर्पाको यो ईमान्दारिताले नेपाल र नेपालीको शिर उच्चबनाएको मलेसियाका लागि नेपाली राजदुत डिल्ली राज पौडेलले बताउनु भयो।