इजरायल, भदौ ११ । प्रवासी नेपाली मञ्च राष्ट्रिय कमिटी इजरायलले तीज तथा चोथा पर्वको अवसरमा शुभकामना आदान प्रदान कार्यक्रमसहित दर खाने कार्यक्रमको आयोजना गरेको छ ।

हिन्दु नेपाली नारीहरुको महान पर्व हरितालिका तीजको अबसरमा यही अगष्ट ३१ तारिक तेल अभिव सुका कार्मेल याफो पार्कमा शुभकामना आदान प्रदान तथा दर खाने कार्यक्रम आयोजना गरिएको प्रवासी नेपाली मञ्च इजरायलका अध्यक्ष गीता सुवेदीले जानकारी दिनुभयो ।

अध्यक्ष सुवेदीका अनुसार सो दिन बिहान ११ बजेबाट कार्यक्रम सुरु हुनेछ । कार्यक्रममा सहभागी भइ सफल बनाउन प्रवासी नेपाली मञ्च इजरायलमा आबद्ध नेकपा एमालेमा आस्थावान, सुभेच्छुक, शुभचिन्त र सम्पूर्ण इजरायलवासी नेपालीलाई मञ्चले अपिल गरको छ ।

प्रवासी नेपाली मञ्च इजरायलका उपसचिव इन्दिरा केसीले प्रवासमा रहेका नेपालीबीच मिलन गराउने र नेपालको मौलिक चाड मनाउने उदेश्यसहित कार्यक्रम राखिएकोले सहभागी हुन सवै प्रवासी नेपालीलाई निमन्त्रणा गरिएको बताउनु भयो ।

सो कार्यक्रमको प्रमुख अतिथी प्रवासी नेपाली मञ्च अन्तराष्ट्रिय कमिटीका सदस्य तथा इजरायलकी इञ्चार्ज ज्योती शर्मा हुनुहुन्छ ।