काठमाडौ., कात्तिक ८। गैरआवासीय नेपाली सङ्घ (एनआरएनए) र र नेपाल उद्योग परिसङ्घ (सिएनआई) ले एक आपसमा सहकार्य गर्ने भएका छन् । दुवै संस्थाका पदाधिकारीबीच बिहीवार भएको छलफलपछि उक्त समझदारी भएको हो ।
छलफल विशेषगरी नेपालमा लगानी प्रवद्र्धन, विदेशबाट ज्ञान सीप प्रविधि हस्तान्तरण र गैरआवासीय नेपालीलाई नेपालको आर्थिक विकासमा सहभागी बनाउनेबारे केन्द्रित रहेको गैरअवासीय नेपाली सङ्घले जानकारी दिएको छ ।
छलफलमा नेपाल उद्योग परिसङ्घका तर्फबाट संयुक्त सहकार्यको विषयमा गैरआवासीय नेपाली सङ्घसँग साझा कार्यसूची बनाएर अगाडि बढ्ने र एक अर्काको चासोलाई सम्बोधन गर्ने विषय समावेश गरिएको थियो । बैठकमा गैरआवासीय नेपाली संघका अध्यक्ष कुमार पन्तले नेपाल उद्योग परिसङ्घसँग मिलेर काम गर्न र परिणाम देखाउन आफु इच्छुक भएको बताउनुभएको थियो ।
सो अवसरमा दुई संस्थाबीच सहकार्य गर्ने सम्बन्धमा एक सहमतिपत्रमा हस्ताक्षरसमेत भएको छ । सहमतिपत्रमा गैरआवासीय नेपाली सङ्घका तर्फबाट अध्यक्ष कुमार पन्त र नेपाल उद्योग परिसङ्घको तर्फबाट अध्यक्ष सतिशकुमार मोरले हस्ताक्षर गर्नुभएको छ ।
प्रतिक्रिया दिनुहोस्