जनता टाइम्स

१९ माघ २०८१, शनिबार १७:१४

मकवानपुरमा रित्तियो समाजवादी प्रेस संगठन, अध्यक्षसहित सिंगो जिल्ला समिति प्रेस चौतारीमा समाहित


मकवानपुर, माघ १९ । नेकपा एकीकृत समाजवादी निकट समाजवादी प्रेस संगठन, मकवानपुर आजदेखि नेकपा एमालेको जनसंगठन प्रेस चौतारी नेपालमा समाहित भएको छ ।

प्रेस चौतारी मकवानपुरको नवौ जिल्ला अधिवेशनमा समाजवादी प्रेस संगठनका जिल्ला अध्यक्ष शिवप्रसाद चौलागाईंसहित सिङ्गो जिल्ला कमिटी प्रेस चौतारी नेपालमा समाहित भएको हो ।

अध्यक्ष चौलागाईसहितका नेताहरूलाई नेकपा एमालेका सचिव योगेश भट्टराईसहित प्रेस चौतारीका नेताहरूले स्वागत गर्नुभएको छ ।

समाजवादी प्रेस संगठनका अध्यक्ष, उपाध्यक्ष, महासचिव, सचिव, कोषाध्यक्षसहित केन्द्रका सवै नेता प्रेस चौतारीमा समाहित भएपछि समाजवादी प्रेस संगठनका देशभरका सदस्यहरू प्रेस चौतारीमा समाहित हुने क्रम जारी रहेको छ ।

Screenshot