बहराइन, फागुन १४ । प्रवासी नेपाली मञ्चले बहराइना आयोजित प्रतिष्ठत फूटबल प्रतियोगिताको उपाधी जितेको छ ।
केरला समाज बहराइनले नज्मा जुफेर ग्राण्डमा आयोजना गरेको प्रतियोगितामा प्रवासी नेपाली मञ्च बहराइनको तर्फबाट सहभागी भएको ओएनएफ एफसीले प्रतियोगिताको उपाधी जितेको हो ।
कुल आठ वटा टीम सहभागी भएकोमा सवैलाई माथ गर्दै ओएनएफ एफसीले उपाधी चुमेको प्रवासी नेपाली मञ्च बहराइनले जनाएको छ । ओएनएफ बहराइनले जीतबाट नेपाल र नेपालीको प्रतिष्ठा माथि उठाउन सकेको भन्दै खुसी ब्यक्त गरेको छ ।
प्रतियोगिताको उपाधी चुमेपछि मञ्चले भनेको छ, ‘ यो हामी सवै नेपालीको गौरवको कुरा हो ।’ मञ्चले खेल अवधीभर हौसलासहित माया दिने सवैप्रति धन्यवादसहित आभार प्रकट पनि गरेको छ ।
प्रतिक्रिया दिनुहोस्