काठमाडौं, कात्तिक १२। नेकपा एकीकृत समाजवादीका सम्मानित नेता तथा पूर्वप्रधानमन्त्री झलनाथ खनालले नेकपा एमालेबाट विद्रोह गर्नुको औचित्य बैठकले नुहँदै माओवादीसँग एकता गर्न नसकिने बटमलाइन सुनाउनु भएको छ ।

खनालले बिद्रोहको पुष्टि गर्नुपर्ने भन्दै यस्तो बताउनु भएको हो । केन्द्रीय कमिटी बैठक अघि सञ्चारकर्मीहरूसँग कुरा गर्दै उहाँले एमाले विभाजनको औचित्य पुष्टि गर्न नसकी माओवादीसँग एकताको कुरा गर्न उपयुक्त नहुने बताउनु भयो ।

‘हामीले विद्रोह किन र के कारणले गरियो भन्ने कुरा खोज्नुपर्छ । अहिले पनि सबै वामपन्थी एकताबद्ध हुनुपर्छ भन्नेमा छु । दुईटा वामपन्थी मात्रै एक भएर हुँदैन । अहिले कार्यगत एकता गर्नुपर्छ । विचार, सिद्धान्त, नीति कार्यक्रम र सङ्गठनमा एकरूपता भयो भने मात्रै एकता हुन्छ,’ खनालले भन्नुभयो ।

खनालले थप्नुभयो, ‘एमालेबाट विद्रोह गर्नुको औचित्यको पुष्टि नहुँदै माओवादीसँग एकतामा जान सकिँदैन ।’ पार्टी एकता भनेको कुनै खेलाँचीको विषय नभएको पनि प्रष्ट पार्नुभयो । कार्यगत एकताका लागि आफूहरू सबै वामपन्थी पार्टीहरूसँग खुला रहेको तर एमालेबाट विद्रोह गरेको चार वर्षसम्ममा पनि नेतृत्वले औचित्य पुष्टि गर्न नसकेको उहाँको भनाई छ ।