काठमाडौं, चैत २२। नेकपा एमालेका अध्यक्ष केपी ओलीले अदालतमा दिनुभएको बयानको बिषयमा नियोजित रुपमा अफवाह पैलाउन तथ्यभन्दा ठीक बिपरित सूचना सम्प्रेषण गरिएको पाइएकोले क्षमायाचनासहित यो समाचार हटाइएको छ ।

प्रहरी र अदालतमा ओलीले दिनुभएको बयानमा नेपाली सेनाको बिषयमा कँही कतै कुनै पनि कुरा उल्लेख नभएको र आपतकालिन अवस्थामा नेपाली सेनाले सहयोग नगरेको कारण आफूले प्रधानमन्त्री पदबाट राजीनामा दिएको भन्ने कुरा ओलीको बयानमा नरहेको तथ्य प्रमाणित भएकोले पाठकमा पर्न गएको भ्रमप्रति क्षमायाचना गर्दछौं ।

केपी ओलीको बयानको नाममा नेपाली सेनाबिरुद्ध गम्भीर षडयन्त्र गर्ने, अफवाह फैलाउने र केपी ओलीको समेत सार्वजनिक अडानभन्दा बाहिर गएको, अडान छाडेको र देश भन्दा अरु कुरा सोचेको भन्ने देखाउन फेक समाचार तयार पारिएको र एमालेकै केही नेता यो काममा लागेको देखिएको छ । पूर्वप्रधानमन्त्री ओलीको बयानको नाममा सार्वजनिक भएका कुनै पनि कुरा सत्य नरहेको जानकारीसमेत गराउन चाहन्छौं । (–सं)