काठमाडौं, चैत २४ । सङ्घीय संसद्अन्तर्गत प्रतिनिधिसभाको बैठक आज दिउँसो १ बजे सिंहदरबारमा बस्ने भएको छ ।
आजको बैठकमा ‘राष्ट्रिय विधि विज्ञान प्रयोगशाला (स्थापना तथा सञ्चालन) विधेयक, २०८१’, ‘पर्यटन विधेयक, २०८१’ तथा ‘चलचित्र विधेयक, २०८१’ प्रस्तुत गर्ने सम्भावित कार्यसूची रहेको संसद् सचिवालयले जनाएको छ ।
बैठकमा सम्बन्धित मन्त्रीहरूले उक्त विधेयकहरू प्रस्तुत गर्नुहुने कार्यसूची छ। ती विधेयकहरूमा छलफलका लागि सभामुखबाट कार्यसूची अघि बढाइने सम्भावना रहेको छ ।
प्रतिक्रिया दिनुहोस्