काठमाडौं, जेठ ६ । प्रधानन्यायाधीश डा. मनोज शर्माले कार्यभार सम्हालेलगत्तै सर्वाेच्च प्रशासनले दरपीठ निवेदन दर्ता गरेको छ ।

कामू प्रधानन्यायाधीश न्यायाधीश सपना प्रधान मल्लले दरपीठविरुद्ध परेको निवेदन दर्ता गर्न दिएको आदेश सर्वोच्च अदालत प्रशासनले दुई दिनपछि कार्यान्वयन गरेको हो। न्यायाधीश मल्लले जेठ ४ गते आफ्नो इजलासमा परेको निवेदनमाथि आदेश जारी गर्दै मुख्य रजिष्ट्रार र रजिष्ट्रारका नाममा “दिउँसो १ बजेसम्म निवेदन दर्ता गर्नू’ भनी निर्देशन दिनुभएको थियो ।

तर सर्वाेच्च प्रशासनले सो आदेश अबज्ञा गर्दै आएको थियो । नवनियुक्त प्रधानन्यायाधीश शर्माले मंगलवार नै कार्यभार सम्हाल्नुभएपछि बुधवार सर्वाेच्च प्रशासनले सो निदेदन दर्ता गरेको हो ।

रिट निवेदक प्रेमराज सिलवालले दायर गरेको उक्त निवेदनको पेसी जेठ ११ गतेका लागि तोकिएको छ। यसअघि संवैधानिक परिषद्सम्बन्धी अध्यादेश जारी भएपछि परिषद्ले सर्वोच्च अदालतको प्रधान न्यायाधीश पदका लागि चौथो वरीयतामा रहेका डा। मनोजकुमार शर्माको नाम सिफारिस गर्ने निर्णय गरेको थियो। सो निर्णयविरुद्ध सर्वोच्च अदालतमा रिट दायर गरिएको थियो।

तर सर्वोच्च अदालत प्रशासनले उक्त रिटमा दरपीठ गरेपछि त्यसविरुद्ध दिइएको निवेदन दर्ता नगरी ‘होल्ड’मा राखिएको थियो। मङ्गलबार प्रधान न्यायाधीश शर्माले पदभार ग्रहण गरेसँगै बुधबार उक्त निवेदन औपचारिक रूपमा दर्ता गरिएको हो।