काठमाडौं, असार ६। नेकपा एमालेको सचिव महेश बस्नेतले पार्टी पुनर्गठनको बहानामा गम्भीरु षडयन्त्र भइरहेको भन्दै विदेशी एजेन्डासामु घुँडा टेक्नेहरूको हातमा एमाले सङ्गठन सुम्पिने कल्पना पनि गर्न नसकिने घोषणा गर्नुभएको छ ।

सामाजिक सञ्जालमाफृत आफ्नो धारणा राख्दै सचिव बस्नेतले यस्तो उदघोष गर्नुभएको हो । एमालेमा उपाध्यक्ष बिष्णु पौडेल र महासचिव शंकर पोखरेलकै नेतृत्वमा पार्टीभित्र अध्यक्ष केपी ओलीको विकल्प खोज्न चौतर्फी दबाब बढिरहेको बेला बस्नेतले पुनर्गठनको बहानामा बिदेशी एजेण्डासामू घुँडा टेक्नेहरू भन्दै कडा आक्रोश पोख्नुभएको छ । बस्नेत अध्यक्ष ओलीको पक्षमा खम्बा बनेर उभिदै आउनु भएको छ ।

‘पार्टी पुनर्गठनको बहानामा राष्ट्रिय स्वाभिमान र जनताको बहुदलीय जनवादमाथि प्रहार गर्न खोज्ने, विदेशी एजेन्डासामु घुँडा टेक्नेहरूको हातमा एमाले सङ्गठन सुम्पिने कल्पना पनि गर्न सकिँदैन,’ बस्नेतले भन्नुभएको छ । उहाँले एमालेको सङ्गठन लाखौँ कार्यकर्ताको त्याग, समर्पण, सङ्घर्ष र बलिदानको जगमा निर्मित भएकोले बदमासहरुलाई बुझाउनै नसकिने अडान पनि राख्नुभएको छ ।

बस्नेतले भन्नुभएको छ, ‘यो कुनै अवसरवादी समूह वा व्यक्तिहरूको निजी स्वार्थ पूरा गर्ने साधन होइन। पार्टीको भविष्य, विचार र सङ्गठनात्मक शक्ति कार्यकर्ताको निष्ठा र जनताको विश्वासबाट निर्देशित हुन्छ, कुनै स्वार्थ समूहको इच्छाबाट होइन।’ बस्नेतले पार्टीको भविष्य, विचार र संगठनात्मक शक्ति कार्यकर्ताको निष्ठा र जनताको विश्वासबाट निर्देशित हुने पनि प्रष्ट पार्नुभएको छ ।

बस्नेतको भनाई जस्ताको तस्तै

पार्टी पुनर्गठनको बहानामा राष्ट्रिय स्वाभिमान र जनताको बहुदलीय जनवादमाथि प्रहार गर्न खोज्ने, विदेशी एजेन्डासामु घुँडा टेक्नेहरूको हातमा एमाले संगठन सुम्पिने कल्पना पनि गर्न सकिँदैन।
एमालेको संगठन लाखौँ कार्यकर्ताको त्याग, समर्पण, संघर्ष र बलिदानको जगमा निर्मित भएको हो। यो कुनै अवसरवादी समूह वा व्यक्तिहरूको निजी स्वार्थ पूरा गर्ने साधन होइन। पार्टीको भविष्य, विचार र संगठनात्मक शक्ति कार्यकर्ताको निष्ठा र जनताको विश्वासबाट निर्देशित हुन्छ, कुनै स्वार्थ समूहको इच्छाबाट होइन।