काठमाडौं, फागुन २८

नेपाल कम्युनिस्ट पार्टी (नेकपा) का अध्यक्ष पुष्पकमल दाहाल (प्रचण्ड) ले आफ्ना पार्टीका केन्द्रीय सदस्य तथा पूर्व सञ्चारमन्त्री गोकुलप्रसाद बास्कोटाको मनोहराफाँटस्थित निवासमा गराइएको विस्फोटको घटनाको निन्दा गर्नुभएको छ । घटनामा संलग्नलाई नियन्त्रणमा लिएर कडा कानूनी कारबाही गर्न पनि प्रचण्डले सरकारसमक्ष माग गर्नुभएको छ ।

बुधबार बिहान बाँस्कोटाको निवासमा बम विस्फोट भएको थियो । अध्यक्ष दाहालले घटना आतंककारी समूहले गराएको टिप्पणी गर्नुभएको छ । उहाँले एक विज्ञप्ति जारी गर्दै घटनाको निन्दा एवं भत्र्सना गर्नुभएको हो । विस्फोटबाट बास्कोटाको कम्पाउन्ड, रोकिराखेको भ्यानसँगै छिमेकीको घरमा क्षति पुगेको छ ।

‘हाम्रा पार्टीका केन्द्रीय सदस्य एवं पूर्वमन्त्री कमरेड गोकुलप्रसाद बास्कोटाको भक्तपुरस्थित निजी निवासमा आतंककारी समूहले प्रेसर कुकर बम प्रहार गरेर क्षति पुर्याएको छ । म पार्टीको तर्फबाट उक्त आपराधिक घटनाको घोर निन्दा एवं भत्र्सना गर्दछु,’ नेकपा अध्यक्ष प्रचण्डद्वारा जारी विज्ञप्तिमा भनिएको छ ।