काठमाडौं, बैशाख १४

डिआइजीबाट राजिनामा दिएका रमेश खरेलले काशी तिवारी हत्याकाण्डमा तत्कालिन प्रधानमन्त्री एंव जनता समाजवादी पार्टीका नेता डा. बाबुराम भट्टराईमाथी गम्भिर आरोप लगाउनु भएको छ । उहाले हत्याकाण्डमा दोषी देखिएका तत्कालिन मन्त्री प्रभु शाहलाई बचाउन बालुवाटारमै बोलाएर दवाव दिएको खुलासा गर्नुभएको हो ।

एक टेलिभिजन अन्तवार्तामा उहाले तत्कालिन आइजिपी रविन्द्रप्रताप शाह, महान्यायाधिवक्ता मुक्ति प्रधानसहितलाई राखेर प्रधानमन्त्री भट्टराईले शाहलाई बचाउन निर्देशन दिनु भएको बताउनु भयो । वीरगञ्ज–१३ मसानघाट शिवपार्वती मन्दिर नजिकै १२ असार २०६७ मा हिन्दु युवा संघका संस्थापक अध्यक्ष तिवारीको हत्या भएको थियो । त्यसबेला पर्सा जिल्लाको एसपी खरेल रहनु भएको थियो । ‘खरेलजी तपाईको इन्भेष्टिगेशनमा कुनै प्रश्न छैन, तपाई इमान्दार पुलिस अफिसर हो, कानुनको नजरमा सबै समान छ भनेर उहा(बाबुराम भट्टराई) ले भन्नुभयो’, त्यसदिन भएको घटना सम्झदै उहाले भन्नुभयो,‘एउटा उपाय निकाल्नुहोस् न त मन्त्री जी लाई बचाउने कुनै उपाय निकाल्नुहोस् न त ।’

सो दिनको घटना बारे यसो भन्नुहुन्छ खरेल

२०६८ असार १२ गते साँझ साढे ५ बजे अशोकबाटिकास्थित शिवपार्वती मन्दिर अगाडी गोली प्रहार गरी बीरगन्ज –१३ का ४५ बर्षे तिवारीको हत्या गरिएको थियो । एमाओवादीले २०६७ बैशाख १८ देखि सुरु गरेको अनिश्चितकालिक आमहड्ताल हिन्दु युवा संघको बिरोधका कारण सफल हुन नसकेपछि संघका अध्यक्ष तिवारीको हत्या भएको थियो ।